Annar í jólum!!!!

Hæ hæ vinir og fjölskylda.

Jæja þá er jólabrjálæðið búið. Þetta verður skrítnara og skrítnara með hverju árinu. Maður er hér í heilan mánuð að undirbúa jólin, kaupa jólagjafir, föndra, baka, skreyta, þrífa, segja jólasögur,og ég veit ekki hvað. Þetta árið fórum við Jói út í skóg að leita að greni til að setja í jólaskraut, bjuggum til konfekt, föndruðum, sungum og ég veit ekki hvað og hvað með börnunum. Svo rennur upp aðfangadagur með öllum sínum glæsibrag, börnin að rifna úr spenningi.
Loksins voru pakkarnir svo opnaðir og það gekk svo mikið á að þessu var lokið af á klukkutíma og við gamla settið áttum fullt í fangi að hafa stjórn á því hver gaf hvað á kosnaði hvers og hvenær. Allt hafðist þetta nú og börnin yfir sig ánægð og tala um bestu jól á æfinni( enda þau feitustu fyrir þau ;) ).
Svo kemur jóladagur sem er einkennanlegur hér í DK(hjá íslendingum) að Björn fór ekkert úr náttfötunum yfir daginn, húsbóndinn fór í fötin um fimm leiðið um eftirmiddaginn og frúin hafði það af að "leggja" hárið um kaffileitið svo að við værum nú ekki alveg eins og fuglahræður þegar að Gunni(frændi Jóa) og family kæmu í kvöldmat. Við borðuðum s.s hangiketið saman í gærkveldi og spiluðum svo póker fram til tvö í nótt(mjög huggulegt nema ég tapaði náttúrulega öllu eins og vanalega).

Danskur jóladagur gengur svoleiðis fyrir sig(s.s hjá Dönum) að það eru jólaboð eins og heima þar sem að fjölskyldan hittist og borðar góðan mat og nýtur samvista hvors annars, nema það er smá öðruvísi. Í staðinn fyrir maltölið með matnum, eru snapsar, bjór og léttvín það eina sem gildir á borðum og það endar yfirleitt þannig, skilst mér, að annaðhvort sofnar fólk í partýinu eða það þarf nánast að halda á því heim. Það er það sem Danir kalla "jule familyhygge".

jæja að okkur aftur:
Svo vöknuðum fjölskyldan við í morgun og jólin búin....ég þarf að far að koma mér í lærdóminn en börnin leika sér nú enn með jólagjafirnar, enda ekki að verri kantinum en í okkar fullorðinna hugum eru jólin búin. Þessi mánaðar undirbúiningur, stress og keppni við tíman tók hálfan annan sólarhring að flauta burtu. Þá er bara að bíða eftir ragettudeginum og nýja árinu og prófunum og fara svo að hugsa til þess hvenær byrjar að vora :)

En okkur langar til að nota tækifærið og þakka öllum fyrir gjafirnar og velvilja. Það er sko greinilegt að fólk gleymir okkur ekki svo glatt þarna heima. Og ekki spillir fyrir að ég held að við höfum orðið 5-6 DVD diskum ríkari og 4-5 geisladiskum(eða altså, börnin)

Og ég er svo stolt af honum Birni mínum. Hann fékk legó mótorhjól frá langömmu Unni(sem er fyrir 9-15 ára). Hann sat hér í ALLAN gærdag og setti það saman. Aleinn!!!!! og hann hætti ekki fyrr en hann var búinn. Rosa flott. Ég efast um að ég hefði getað þetta á hanns aldri :) (enda örugglega töluvert mikið óþolinmóðari).
Hekla María fékk allann mömmu útbúnaðinn. Dúkku, dúkkuvagn, rúm, stól, bað og föt á dúkkuna svo eitthvað sé nefnt. Og hún gengur hér um allt hús og huggar dúkkuna og lætur hana lúlla. Hún er mikil mamma í sér.
Viktor Máni fékk Playmó sjóræningjaskip, bíl, bílastæðahús, reiðhjól og hann leikur sér alveg eins og herforingi, kemur mér meira að segja á óvart hvað hann er góður í ýmindunarleikjum. Svo að hér á heimilinu eru allir glaðir og ánægðir, saddir og sælir.
Og enn og aftur.
ÞÚSUND ÞAKKIR FYRIR OKKUR.
kyyyyyyyyyysssssssssss.
Við fjölskyldan, langt i det Syde......

Jólin jólin

Góðann daginn.
Jæja þá fara jólin að nálgast og við hjónaleysin eigum eftir að gera fullt. Hér hrynja inn kassarnir á hverjum degi stútfullir af glaðningi frá Íslandi. Ég held að þetta séu met jól hvað varðar íslenska nammið. Við erum að verða búin að fá 5 kg af nammi...og óboy óboy...húsfreyjan á erfitt með að missa sig ekki í þetta og enda svo í þunglyndi dauðans yfir aukakílóunum.
Hér er enn sama sagan á heimilinu. Allir veikir. Nei ekki kannski alveg. En það eru ALLIR heimilismeðlimir búnir að liggja í flensu og sá síðasti fór í gæslu á mánudag í síðustu viku eftir fjögurra vikna stanslausa törn. Við svakalega ánægð með að þetta væri allt búið. Ó nei vinur. Á miðvikudag varð Viktor aftur veikur, en það varaði bara stutt...því að hann var klár í leikskólann í morgun. En ...enn og aftur nei. Enga bjartsýni. Þá byrjaði hann að æla í nótt, og ætli restin af fjölskyldunni fylgi ekki með.
Jói er búinn með skýrsluna sína í skólanum og á að skila á morgun. Hann er búinn að vera í skólanum ALLA helgina og ég einstæð 3-ja barna móðir. Ég ætla sko aldrei að skilja.....!!!!! EN við börnin höfðum það huggulegt. Við skreyttum jólatréð á laugardaginn ( og ég veit að það er snemmt) það var mjög huggó. Svo horfðum við á Polar express...voða gaman . Björn er þvílíkt að pæla í öllum þessum töfrum og göldum sem er í kringum jólasveininn. Hvernig hann fer að því að komast inn í húsið ef að það er allt í drasli, og hvernig í ósköpunum hann fer að því að halda á öllum þessum gjöfum fyrir öll Íslensku börnin í EINUM poka!!!!
Viktor Máni var mjög krúttlegur í dag því að hann heldur alveg rosalega mikið upp á afa sinn á Flúðum . Hann á nefnilega LANDROVER, bláan!!! Rosa kaggi. Hann er enn að lifa á bíltúrnum síðan síðasta sumar. Og nú tönglast hann á því á hverjum degi að Siggi afi sé besti vinur hanns. Og ekki bætti úr skák að nú fullyrðir hann að hann eigi 2 pabba, það eru Siggi afi og Jói, og Siggi er líka besti vinur hanns. (greyið börnin okkar, hvað eru þau að fara á mis við að búa hér úti í rassagti).......
jæja látum þetta duga í blil.
Knús knús og gleðileg jól.
Unnur

Hver á fallegustu börn í heimi.......Það á ég!!!!!!!

baðmyndir 6. desember

Smá hluti af jólaföndri helgarinnar þó að þessi hægra meginn sé nú ekki mjög "Jólalegur"!!!

langt om længe!!!

Jæja það er allt eins á þessu blessaða heimili.
Ég þóttist ælta að búa til nýja heimasíðu(ókeypis) og skrifa inn bara lítið á hverjum degi og setja einstaka sinnum inn myndir. Fríða ráðlagði mér þetta og sagði að þetta væri alger snilld. En ó boy ó boy...ekki tekst mér að halda mig við að vera dugleg að skrifa nú frekar en áður.
En betra er sjaldan en aldrei!!!!. En síðan síðast þá er ísskápurinn alger snilld. nú þamba hér allir vatn með klaka hægri vinstri(voða hollt). Ég held að sundhedsbestyrelsen ætti að mæla með amerískum ísskáp á hvert heimili. Björn missti vinstri framtönn í gær og þá er hann búinn að missa 4 stk. Við sitjum hér heima ég og viktor Máni...(hann er veikur)...eins og restin af fjölskyldunni. Jói stynur eins og físibelgur og Björn er uppfullur af hori. Svona er nútíminn í dag. Enginn hefur tíma til að taka sér frí svo að allir fara í skóla nema Ég og viktor Máni, og er það bara því að ég hef lestrardag í dag. Ég sit hér og rembist við það að læra en auminginn litli hann Viktor Máni er svo spjallglaður að ég hef ekki undan að segja:"já", "nei", "sniðugt", "skrítið", "am"....svo lítið verður úr lærdóminum.
Ég er þvílíkt búin að hlakka til að geta sett jólaskratið upp en það stendur eitthvað á því, vegna þess að jólaskratutið er uppi á lofti og þangað þori ég ekki fyrir mitt litla líf!!! Það gætu verið köngulær þar sem bíta mig...oj. Kannski ég nái að blikka Jóa í kvöld.
En eins og ég segi er hér allt brjálað að gera. Björn fer í sund 2x í viku, í kvöld er okkur boðið í mat til Gunna og Þórunnar(fiskibollur...ummmm), á morgun erum við Björn að fara á jólaföndur í Dúsnum hjá Birni. Næstu helgi erum við Jói með matarklúbb(10 manns í mat) og ég er að reyna að hugsa hvað ég á að hafa í matinn á milli lesturs í skólabókunum. Nú næstu vikurnar fram að jólum verðum við 3 í viku alveg til 18:00 í skólanum . Eins gott að það sé ekki of mikið að gera hjá Jóa.
Annars hef ég planað að fara á sunnudaginn og kaupa Jólagjafir sem eiga að sendast til íslands sem verða nú dálítið mikið af skornum skammti þessi jólin. Ég skil ekkert í þessu, það hlýtur eitthver að taka reglulega út af reikningnum okkar...allavega tæmist hann alltaf á nótæm.
Síðustu helgi fórum við fjölskyldan á "basar" í leikskólanum hanns Viktors Mána. Þegar að við komum heim þaðan fórum við í piparkökumaraþon. Við gerðum hús(risastórt) og marga marga poka af piparkökum.
Á sunnudeginum fórum við svo út í skóg að leita að greni og dóti sem nota mætti í jólaföndur. svo fórum við heim til Daða og Iben og sátum þar allan daginn og hugguðum okkur með eplaskífur og gúmmulaði.

Já og ég var næstum búin að gleyma að segja frá foreldrafundinum sem að við Jói fórum á í síðustu viku, varðandi Björn. Hann er simpelthen pottþéttur!!! kennarinn sagði að hann væri langt ofan við meðallag í lestri og skilningi, betri en danirnir eru í sínu eigin máli (þá meina ég lestri), hann tekur aktivt þátt í kennslunni, svarar ef hann veit hvað kennarinn spyr um, vill gjarna lesa upphátt, tekur aldrei þátt í neinum áflogum, á aldrei þátt í neinum skammastrikum. Og er alltaf brosandi og glaður!!!
Er hægt að hafa það betra???? Jú það var eitt sem ekki var svo æðislegt að hann er dálítið lengi að koma sér að verki. En hvað er það á milli vina!!!!


jæja nóg í bili.
knús knús Unnur (mamma í sæluvímu)

Gleymdi aðal fréttunum

Ég gleymdi náttúrulega að kjafta aðal fréttum heimilisins.
Björn er sko kominn með kærustu.
Hann fór með gjell í hárinu í skólann í morgun til að sjarmera kærustuna og hún vildi frekar hafa hann eins og hann er vanur (með hárið niður) og þá vildi hann líka hafa það þannig. 'Eg fékk sko ekkert að fikta í því og gera hann töffaralegann þegar að hann kom heim...því að (Gunna vildi hafa það hinsvegin(Gunna er færeysk)).
Svona er þetta...eins gott að maður fari að fara að ræða um bíflugurnar og blóminn við hann ;)
knús
unnur

Lukka dauðans

Það er nú meiri sumarblíðan hér í Dannmörku.
Við erum búin að njóta "Íslensks sumarveðurs" hér í 2 mánuði!!! Danirnir eru farnir að tala um að veðurguðirnir séu að ganga af göflunum.
Hér á heimilinu er syngjandi hamingja...við fengum sendingu frá "Stínu ömmu", sultu,mysing, bjúgu, harðfisk og annað góðgæti um daginn. Og Björn sleikir útum og stríkur bumbuna.
Og ekki nóg með það, haldið þið ekki að jólasveinninn hafi verið að keyra hér heim 1. stk Amerískan ískáp með vatns/klakavél...munar engu að það sé poppvél á græunni og þá er bíókvöldinu reddað og svo kom hann líka með AEG þvottavél og ég hoppa hér um að kæti og spenningi....Hvað haldið þið að hann gefi mér í jólagjöf??
Og svo í vikunni hringdi elskan mín hún Rósa...ég er búin að sakna hennar svo mikið og það var svo yndislegt að heyra í henni. Það er sko mikið búið að gerast síðan að ég heyrði í henni síðast...nú er bara að vera dugleg að hringja á móti...það er áramótamottóið mitt!!!
Jæja en annars hafa ungarnir það fínt. Hekla líkist mér meira og meira held ég...allavega skilst mér það :S. Ef ég æsi mig..þá skrækir hún bara á móti. Mér er gersamlega svarað fullum hálsi!!! Og hana nú!!
smelli hér inn nokkrum myndum...þetta er ekki nokkur frammistaða hjá mér.
túrilú að sinni

Prinsessan

Sundkappinn ógurlegi mánamundurinn okkar.
Ég þarf að fara að taka fleiri nýrri myndir af ungunum.

Við fjölskyldan á Læsö í lok Júlí 2005

Halló allir

hæ hæ.
Jæja nú á að gera aðra tilraun að halda úti heimasíðu fyrir vini og ættingja. Ég er að reyna að vinna úr kvörtunum vegna myndavöntun á okkar yndislegu börnum
En engar myndir eru enn komnar...en þetta kemur allt.
Við erum búin að vera að passa Malthe vin okkar síðan í gær. Foreldrarnir á eitthverju jamminu!!!
Og svo vorum við í 1 árs afmæli Sögu sætu í dag. Rosa stuð og mikill þrýstingur. Já og góðar kökur :)
Björn var að missa framtönn í efri gómi í gær og fékk heilar 20 krónur frá tannálfinum. Hann er að safna fyrir mótorhjóli og gengur ágætlega...nema mömmunni finnst það nú ekki gáfulega farið með sparipeninginn sem var hugsaður í eitthvað eigulegra. Ekki að mótorhjól sé ekki eigulegt....(segir mamman sem einusinni var mótorhjólagella) :S
jæja en læt þetta duga í bili